Temos dúas pequenas adegas na Mingona, onde ata fai pouco se elaboraba o viño e que conservamos coa arquitectura tradicional da zona. A do “Antonio do Nicho”, como adega tradicional, cos apeiros cos que se traballaba antigamente; e a do “Garabito”, á que lle demos un pequeno retoque para facer catas con vistas ás ribeiras de San Fiz.
Visitas personalizadas para un máximo de seis persoas.
25€ por persoa · 10€ menores de 18 anos
Duración visita de 1h 30
Horarios ás 12:00h ou 19:00h.
Con cita previa, mínimo un día antes.
Polas tardes só en primavera e verán.
Na visita verás unha adega tradicional + audiovisual + cata con Antonio do Nicho, acompañado de embutido feito por nós, e vistas á ribeira de San Fiz — no único tramo natural do río Miño entre o encoro de Belesar e o de Peares. Coñecerás a auténtica historia do Antonio do Nicho: unha experiencia 100% artesán, feita á man.
